Hvað eru þessar 100 konur að gera nú?

Tja... eflaust hafa þær flutt, eða lifa á bótum.  Eða líklegra að þær séu bara ekkert á ,,götunum'' lengur. 

Ef vændiskona getur selt vændi og kært kaupandan held ég að kaupendur séu líklegri til að prufa ,,dólgakerfið''.   A.m.k. þurfa þeir ekki að óttast að dólgurinn kæri þá.

Vændiskaupabann bar árangur

Og gera hvað í staðin?

Segjum sem svo að Svíþjóð myndi lúffa fyrir illa aðsér og þröngsýnum náttúruverndarsamtökum og gera ekki meiri kjarnorkuver.  Hvað myndu þeir þá byggja í staðin?

Kola og Olíuorkuver menga andrúmslofið, og ekki er mikið af straumþungum ám til að nýta vatnsorku. 

Það er hægt að byggja slatta af vindmillum, en það er auðvitað rándýrt, sem og hægt að virkja sjávarfallið sem er einnig dýrt, skilar sér illa og aðeins á tilraunarstigi.

Með kjarnorkuverum er engin mengun í andrúmslofið, eingöngu plútóníum, sem hægt er að grafa í byrgi(sem Norgegur er að byggja) langt ofan í jörðinni og verður aldrei neinum manni að ama aftur, nema einhver sé svo vitlaus að fara án hlífðarfata ofan í byrgið. 

Það yrði kanski tekið meira mark á náttúruverndarsamtökum ef þau kæmu einstaka sinnum með uppástungur um hvað mætti gera í staðin.  Þ.e. í stað þess að segja ,,Hættið öllum hvalveiðum strax'' að segja ,,hvað um að veiða aðeins færri hvali''

Ráðist inn í sænskt kjarnorkuver

Kæfandi hræsni Össurs og Co.

Alveg leggst yfir mig íþyngjandi skömm yfir hegðun marga þingmanna og ráðherra Íslendinga.  Þegar ESB fordæmir Ísrael vill Össur koma af stað viðskiptaþvingunum, en gælir svo við Kínverja? Hvers vegna í andskotanum er hann ekki löngu búinn að fordæma hersetuna í Tíbet, sem og öll mannréttindabrotin og ritskoðunina sem er í Kína? Útaf því að ESB er ekki búið að fordæma það upp á síðkastið? Þetta er alveg nákvæmlega sama málið, nema Tíbetar hafa ekki skotið eldflaugum á Beijing.  Sem og Han Kínverjar hafa aldrei búið í Tíbet.

Það er skömmustulegt að sjá, hve fullir hræsni ráðherrar okkar séu. Býst ekki við að Össur standi við stóru orðin í málefnum Ísraels heldur, sagði þetta bara til að vera álitinn ,,Cool'' af klíkunni í Brussel.  Varla er það útaf því að Kína er kommúnistaríki, því það eru þeir ekki, Kínverjar eru löngu hættir því rugli og farnir út í mun einfaldari fasisma. 

Ræddu samskipti Íslands og Kína

Ein spurning

Var fólkið spurt hvort það vildi ekki svört börn útaf því þau væru kynþáttahatarar eða útaf því að það vildi ekki láta fólk halda að konan hefði haldið framhjá eiginmanni sínum tvisvar?

Neitað um ættleiðingu eftir kynþáttakröfu

Ekki þykir mér þetta mjög móðins.

Því er ekki hægt að neita, að hengingar eru skelfilega gamaldags, sérstaklega fyrir svona brot.  Stór löstur þarna í Íran er auðvitað að eiturlyfjasmyglurum er refsað með hengingum, sem skilar sér í því, að smyglararnir eru þungvopnaðir og berjast oft harkalega gegn handtökum.

Persónulega þætti mér mun skemmtilegra að sjá gapastokk, enda yrði töffarabragurinn af nýbökuðum glæpamönnum sem og eldri fljótur að hverfa ef fólk fengi að grýta þá með brauðáleggi niður á austurvelli.  Allt grjót væri fjarlægt af svæðinu og ef einhver yrði uppvís að henda grjóti fengi hann að skipta við þann sem í gapastokknum væri. 

Frábært kerfi, sem hefur einnig mjög fælandi áhrif á glæpamenn.  Sem og skemmdarvarga.  Fínt væri að hafa kynni með.  ,,Hér höfum við Jón Jónsson sem fannst það sniðug hugmynd að brjóta 5 rúður í einhverju húsi'' sem og eiturlyfjasala ,,Hér er Sigurður Sigurðsson sem reyndi að selja heróin á grunnskólalóð'' og þar fram eftir götunum.  Ríkið gæti selt tómata þarna niðurfrá til að vænka fjárhagin svona smá, og rukkað um virðisaukaskatt líka. Tómatarnir væru úldnir og ekki flokkaðir sem matvara með 7%vsk, heldur með hinni tölunni sem er því miður stolið úr mér.(25%?)

Eina sem gæti vantað er áhugi almennings til að taka þátt í smán smáglæpamannana, en ég tel smán smáglæpamanna mun betri en að læsa þá inni með stórglæpamönnum sem geta kennt þeim hnútana.

Fjórir hengdir í Íran í dag

Hvar eru bölvuð nýyrðin þegar maður þarf þau?

Hórmangari sem er karl er auðvitað melludólgur.  En hvað kallar maður konu sem er hórmangari?

Ja... ætli maður verði nú ekki bara að nota hugmyndaflugið. 

Hér eru mínar uppástungur. 

Mellutæfa(besta kvenkynsútgáfan af orðinu dólgur=dóni og glæpamaður)

Hórdómshygla(hórdómshyglir gæti verið nýja staðalorðið yfir melludólga, enda flottara nafn)

Della(dólgur+mella)

Hórumamma(andstæðan við hóruunga, hórurnar eru auðvitað vændiskonurnar, gæti endað sem flott ættartré.)

Ja... ef einhver er með betri hugmyndir endilega setjið þau í comment.  Mér dettur ekkert meira í hug.

Annars er undarlegt að sjá hvað konan fær nú lítin dóm fyrir brot sín, sem eru jú fleiri en bara hórdómsbrot.  Ætli það hafi ekki eitthvað að gera að feministar hafa þagað um þetta mál, enda passar það illa í hugmynd þeirra um heimin að eingöngu karlmenn fremji glæpi gagnvart konum. 

Hvet alla til að hætta að vera feminista og gerast jafnréttissinnar.  Sjá skilgreiningu hér: http://www.copperfield.blog.is/blog/copperfield/entry/1038680/ 

Dómur yfir Catalinu þyngdur

Sitt sýnist hverjum.

Hér er önnur frétt: http://www.mbl.is/mm/frettir/erlent/2010/06/01/um_ad_raeda_rod_mistaka/ 

Algerlega stangast fullyrðingar einstaklinga gegn hvor annari.  Myndband sem Ísraelsher birti sýnir farþega ráðast gegn hermönnunum, myndbönd sem skipverjar birta sýna myndir af helsærðu fólki. 

Nú er auðvitað alltaf hægt að rægja sitthvorn hlutin, t.d. Hvers vegna ætti fólk að ráðast með hnífum og prikum gegn eitt af best þjálfuðu hermönnum heims?  Og hvers vegna ættu Ísraelar að hoppa um borð í skip og skjóta fólk af handahófi meðan augu heimsins hvíla á þeim? Ætla ég að benda á aðra hluti við sitthvora fréttina. 

Að senda 20 hermenn um borð í skip með mjög mjög mörgum farþegum með litkúlur er fásinna. Ef farþegar brygðust illa við væru hermennirnir dauðadæmdir.

Öfgavinstriflokksmaður? Held að fæstir treysti þeim, kommúnistar eiga met í að nota lygar og heilaþvott fyrir málstað sinn. Sjáðu bara Norður-Kóreumenn sem tókst að sannfæra Bandarískaflugmenn sem þeir tóku til fanga að Bandarískuflugmennirnir hefðu hent sýklavopnum á Norður-Kóreu.

Að auki treysti ég einhverja hluta vegna illa vitnisburði Þjóðverja þegar þeir segja hvað Gyðingar hafa gert.  Engin sérstök ástæða*hóst*. 

Annað sem mér finnst skrýtið er að Tyrkir voru fyrstir til að fordæma árásina.  Auðvitað kemur það úr hörðustu átt, Tyrkir viðurkenna ekki einu sinni að hafa framið þjóðarmorð á Armenum í fyrri heimstyrjöld.  En þeir ættu að þekkja þjóðarmorð þjóða best, þeir fundu upp nútíma þjóðarmorð.

Hvers vegna gátu Ísraelar ekki beðið a.m.k. þar til skipin voru í þeirra eigin lögsögu, og ef hvers vegna leigðu þeir ekki bara 20 dráttarbáta og drógu skipin til baka? Það svarar hins vegar ekki spurningunni, er maðurinn dauðari ef hann er skotinn á alþjóðahafssvæði eða inn í lögsögu?

Hvor hliðin lýgur, eða hvor miskilur hina.  gæti verið að bátsverjum sé sama um Gazabúa, þeir vilji bara rægja Ísrael, því þeir ætla víst að reyna aftur, vitandi að þeir gætu lent í nákvæmlega því sama.  Á sama tíma ætla Ísrael að stoppa næstu skip, vitandi hvernig það geti endað. 

Ja... ég finn mikla skítalykt, en get ekki sagt hvaðan hún kemur, því hún virðist umkringja mig.


Viðbót:

Ég tek orð mín til baka.  Þetta myndband er ástæðan http://youtube.com/watch?v=gYjkLUcbJWo 

Fleiri myndbönd í sama dúr: http://youtube.com/watch?v=Z2duPV9MQIc&feature=related
http://youtube.com/watch?v=7O5N1Gh3tjo&feature=related

öll sína þó að þegar hermennirnir lentu, var sá fyrsti laminn í mauk, hent fyrir borð og restin barin með kylfum.  Ef þú skoðar byssu hermannana vel sést vel að minsta kosti nokkrir þeirra eru með Paintball byssur, til að særa og merkja þá sem handtaka átti(þá sem létu ófriðsamlega) en myndbandið sýnir vel af hverju þeir þurftu að grípa til skammbyssanna.  Þetta eru ekki friðsamlegir húmanistar, þetta eru öfgamenn af verstu sort þarna um borð í skipinu.  Auðvitað eru einhverjir góðir þarna líka trúi ég, og ég efast um að þeim hafi hlotið meint af enda hafa þeir haldið sig neðan þilja eða a.m.k. frá hermönnunum þegar þetta atvikaðist. 

Matur er leyfður á Gaza, og matvæli má senda þangað, flest allt annað er bannað, óréttlát finnst mörgum en landsvæðið er stjórnað af hryðjuverkamönnum.  Egyptar leyfa ekki einu sinni matarsendingar til Gaza og ástæðan er einföld.  Lúxusvörur er hægt að nota til að kaupa og selja, og vörur sem hægt er að kaupa og selja er hægt að nota til að kaupa vopn, Ísraelsmenn vita það, Egyptar vita það, Hamas samtökin vita það en vita skipverjar það?

Það gildir einu hvort að árásin hafi gerst á alþjóðahafssvæði eða í lögsögu Ísraels, hún hefði atvikast eins hvort sem eð. 

Ég fordæmi mennina um borð í skipinu sem tóku svona á móti hermönnunum og stofnuðu þar með öllum um borð í skipinu í verulega hættu.  Ekki bara sér og hermönnunum, heldur einnig þeim sem þarna voru af engu nema góðmensku.  Friðarsinnar, eða hitt þó heldur.

Neita ásökunum Ísraela

Ja hérna

Báðar fylkingar eru að hegða sér gífurlega heimskulega í þessu máli.  Ísrael veit hvað gerist ef þeir stöðva skipin, flotinn veit hvað gerist ef þeir reyna að rjúfa hafnarbannið.  A.m.k. geta skipsverjar verið undirbúnir núna, en ég myndi segja þeim að snúa við tafarlaust, eða athuga hvort hægt væri að fá Ísraela til að afhenda varninginn.  Ég myndi einnig segja Ísraelum að beita annari aðferð en að láta hermenn síga í skipin eins og þeir reyndu seinast, það virkaði greinilega ekki.   

Ég ætla ekki að tjá mig um Zionista eða deilu um sjálfstæða Palestínu, þar sem báðir aðilar eru einnig skelfilega vitlausir í því máli.  Ísraelar geta ekki hætt að planta landnemabyggðum og öfgaöfl innan stuðningsmanna Palestínu skemma svo mikið fyrir, sem og bandamenn þeirra, en þar ber að nefna forseta Írans, Idi Amin og Gaddafi.  Þessi deila snýst þó um allt annað. 

Rjúfa hafnarbannið á Gaza og mögulega hætta á að Ísrael ráðist inn í Gaza skyldu vera vopn í fórum einhverra þessara skipa, eða annara sem koma skulu(sem munu koma ef þessi skip fá að sleppa, tel miklar líkur á að Hamas finni eitthvern stuðingsaðila til að sendast með vopn ef í ljós kemur að Ísraelar framfylgja ekki hafnarbanninu) eða hætta á að atvikið í gær endurtaki sig, hvorir valkostir skelfilegir fyrir sig. 

Auðvitað væri best ef Ísrael virti Oslóarsamningin, og gera betur til, en Oslóarsamningurinn kveður á um skiptingu Jerúsalem milli Ísraels og Palestínu og hætta öllum landnemabyggðum.  Svo væri hægt að auka við sjálfstæði Palestínu, fyrst efnaghagslegt sjálfstæði og svo pólitískt, þar til ríkin væru orðin tvö sitthvort ríkið.  Gazabúar gætu komið til móts við þá með því að kjósa ekki samtök sem hafa útrýmingu Ísraels á stefnuskrá sinni.  Þar sem Ísrael er ríkara og mun stöðugra finnst mér auðvitað að þeir ættu að taka fordæmið.  Ef að þeir kæmu betur fram við íbúa Gaza svæðisins myndu þeir eflaust ekki kjósa Hamas.

Mér þykir það þó miður, að flest öll blogg um þetta mál, einkennist af hatri í garð Ísraela.  Satt best að segja eru öfgaöflin á væng Palestínu ekkert griðsamari á óbreytta borgara, þeir hafa bara ekki eins vel efni á að drepa eins marga, útaf vopnaleysi.  Báðir aðilar eru sekir um stríðsglæpi, en í stað þess að einbeita sér að því að stoppa stríðsglæpi er auðvitað mun betra að stoppa stríðið. 

Annað skip á leið til Gasa

Að leika sér að eldinum

Eins sorglegt og það er að menn hafi látið lífið, verð ég að segja að þeir sem gerðu það geta engum kennt um nema sjálfum sér.  Allt þetta fár með skipin voru barnalæti og heimskingjaháttur og allir gátu séð það.  Hér á vesturlöndum þykir sjálfsagt að bölva Ísrael og vanvirða en það sem átti að gera þarna var dauðans alvara.  Ísraelar eru með Gazasvæðið í sóttkví, því þar ráða í augnablikinu hryðjuverkamenn Hamas skæruliðasamtakanna. 

Ekkert má vera flutt inná svæðið af ótta við vopnaflutning, hætta sem er allt annað en lítil.  Að gera undantekningar er stórhættulegt, þótt að þær hafi verið með góðum ásetningi.  Hefði allt gengið upp og skipin hefðu komist áfallalaust hefði eflaust verið sent fleiri skip.  Hamas liðar hefðu verið fljótir að þefa uppi bandamenn til að senda sér vopn falin í skipunum.  Því má ekki gera þessa undantekningu.  Þetta vissu skipverjar, og höfnuðu boði Ísraela að landa í Ísrael og fara með varninginn til Gaza í gegnum Ísrael.  Af hverju höfnuðu þeir? Því þeir hugsuðu eins og lítil börn, sem eru í rifrildi og vilja vinna.  Þeim langar í jarðarberjaís, og það er sagt nei.  Svo er loksins keyptur fyrir þau ís en ekki jarðaberjaís og í frekjukasti kasta þau honum í jörðina, og vilja ekkert annað en jarðaberjaís. 

Ísraelum var stillt algerlega upp við vegg, ef þeir hefðu leyft væru þeir að stofna Ísrael og friði fyrir botni miðjarjarhafs í gífurlega hættu, hefðu þeir gripið til aðgerða verða allir brjálaðir.  Þeir kusu seinni kostinn, a.m.k. er hún hættuminni til lengri tíma litið. 

Og þetta segi ég ef að saga Ísraela um að ráðist hafi verið á þá sé ósönn, ef útskýring þeirra er rétt... þá færi ég skipverja úr hóp vitleysingja og barna yfir í lista fæðingarhálfvita.  Þeim stóð gott til, en að storka Ísraelsríki svona er nú bara hreint út sagt álíka gáfulegt og að fara á Bandarískan flugvöll með óhlaðna haglabyssu, og neita að henda henni frá þér, þ.e.a.s. þér stóð ekkert illt til, en getur varla kvartað þegar vallargæslan skítur þig. 

Býst við að ég ætti að loka fyrir comment á þessa færslu, en ég er í góðu skapi í dag svo ég leyfi meðbloggurum mínum að drulla yfir mig. 

Sakar Ísrael um hryðjuverk

Endalok Juche hugmyndarfræðinnar?

Nú virðist allt benda til nýs stríðs á Kóreuskaganum.  Ólíkt fyrra stríði, þar sem Norður-Kórea hafði Sovétríkin og Kína á bakvið sig, standa þeir núna einir.  Hins vegar er alls ekki víst, hvernig borgarar ríkisins bregðist við verði ráðist á þá.  Sumir myndu taka því vel að losna undan oki Juche hugmyndafræðinnar, aðrir illa.  Það er ekkert leyndarmál, að alþýða Norður-Kóreu er stanslaust hömruð með áróðri.  Dæmi er um konu eina, sem flutti með dóttur sinni til Suður-Kóreu.  Mörgum árum eftir flutningin trúði hún enn að Norður-Kórea væri besta land í heimi, jafnvel þótt hún hafi þar horft upp á eiginmann sinn og syni deyja úr hungri.  Eflaust hefur matarskammturinn ekki hrokkið til, og hún hefur og dóttir hennar hafi fengið matarskammt hinna, eða að þeir hafi ekki verið látnar vinna eins mikið.  Ekki veit ég alla söguna, bara það sem ég las í Sagan öll. 

Ég vona innilega að fólk þetta verði frelsað undan oki þessara aumingja sem þar fara með völdin.  Menn sem ljúga ekki bara að heiminum og fólki sínu, heldur einnig sjálfum sér að Norður-Kórea sé besta land í heimi þótt alþýðan líði hungur til að hægt sé að smíða kjarnorkusprengju(r).  Suður-Kórea myndi þó seint lýsa yfir stríði, enda er líklegt að Seóul sé í drægi fyrir kjarnorkusprengjur Norður-Kóreumanna, og eflaust eiga þeir eitt til tvö stykki, enda hafa þeir sprengt tvær tilraunasprengjur að mig minnir.  Hitt er þó verra, að ef stríð brýst út og fólk Norður-Kóreu verði frelsað, munu margir menn á vesturlöndum vaða eld og brennistein í að segja stríðið óréttlætanlegt, það hefur jú þótt svo móðins.   Slíkt athæfi gæti beinlínis verið hættulegt því að án stuðnings vestrænna ríkja mun Suður-Kórea þurfa að þola þær hörmungar sem Norður-Kóreumenn hafa gert síðastliðin 50 ár.

Loka á móti á Suður-Kóreu