Menn eru löngu búnir að gefast upp á Lýbíu

Þótt undarlegt megi virðast er maðurinn sem stjórnar Lýbíu ekki vondur að mínu mati, hann er þroskaheftur.  Í því liggur mikill munur.  Vesturlönd eru löngu hætt að nenna að segja honum til syndanna því hann myndi ekki fatta það.  1986 gerðu Bandaríkjamenn loftárásir á Líbýu og einnig kom til lítilla átaka í Sidra-Flóa. 

Gaddafi fjármagnaði eins og allir vita hryðjuverk um gjörvalla veröld, mest frægastur fyrir Lockerbie.  Þess má einnig geta, að þegar Idi Amin réðst inn í Tanzaníu senti Gaddafi hermenn til Úganda í þeim tilgangi að HJÁLPA Idi Amin. 

Það var ekki fyrr en 1991 að Gaddafi fór að reyna að hegða sér skikkanlega á alþjóðavettfangi, vegna þess hann sá hvernig fór fyrir stallbróður sínum Saddam Hussein í persaflóastríðinu 91.  Hætti hann þá að agnúast sífellt út í Bandaríkjamenn, en hefur þó ekki setið á höndum sínum.  Það var fyrir nokkrum árum að hann lýsti yfir heilögu stríði gegn Sviss eins og flestir muna.  Hingað til hefur ekki komið til átaka, og má útskýra það á þann hátt að Svisslendingar hafa ekki trú á því að þeir eigi í heilögu stríði við Gaddafi og athafnast því ekkert. 

En hvers vegna eru vesturlönd ekki búin að gera neitt í Gaddafi? Það er auðvelt að útskýra það, það er einfaldlega ekki móðins lengur að ráðast inn í þróunarlönd og steypa harðstjórum af stóli.  Það var gert í núverandi Íraksstíði en hefur hingað til skilað litlu.  Það er betra að láta Líbýa sjálfa um að fá sitt frelsi.  Þeir sömu og eru nú að agnúast út í Bandaríkjamenn og kalla Gaddafi bandamann þeirra eru sömu mennirnir og yrðu brjálaðir útaf innrás í Líbýu og það nennir enginn að standa í henni fyrir mann sem virðist vera sjálfdauður hvort sem eð. 

Það er erfitt að taka þennan mann alvarlega þegar hann hegðar sér eins og James Bond skúrkur.  Allir lífverðirnir hans eru ungar konur og eru gerðar kröfur til útlits þeirra.  Nokkrir voru drepnir þegar til uppþota kom þegar fótboltalið tapaði vegna nýs meðlims, sem var þá sonur Gaddafi.  Þessu mótmæltu stuðningsmenn íþróttaliðsins og hleyptu líffverðirnir af skotum. 

Það er kanski of lítið sagt þegar ég sagði James Bond skúrkur, hann er frekar eins og einn af þessum úr teiknimyndablöðunum.

Enn skotið á fólk í Líbýu