Leiðindalausn

Mikið er þetta leiðinleg lausn.  Sjálfur var ég reyndar nýorðinn 18 ára þegar ég tók einn mánuð í nokkrar ferðir í ljósabekk svo ég sólbrynni ekki á Spáni eins og hafði hent mig 2 árum áður þar í landi.  Svínvirkaði hjá mér það sem meira er.  Hef þó ekkert notað svona bekki síðan.

Auðvitað er hættuleg að ofnota svona bekki, en skelfilega sýnist mér hæstvirtur ráðherra ætla að vera fljót að neita öðrum um þetta útaf nokkrum sem ofnota þetta.  Margar líkamsræktarstöðvar selja kort eða miða fyrir ljósabekkina. 

Væri ekki hægt að hafa skrá yfir hverjir kaupa þessa miða?  Held að margar líkamsræktarstöðvar geri það. 

Væri þá ekki hægt að neita fólki um aðgang að ljósabekkjum oftar en tvisvar í viku(eða þrisvar eða einusinni, fáum einhvern Evrópskan sérfræðing til að dæma um það) Mér mistekst að sjá að þetta yrði of mikið auka vesen fyrir líkamsræktarstöðvar. 

Gæti samhliða þessum lögum sett minni skatt fyrir líkamsræktarstöðvar, þá verður enginn fúll.  Af þeim þjónustufyrirtækjum sem gætu auðveldlega farið á hausin núna eru líkamsræktarstöðvar ekki þau ómerkilegustu.  Hlýtur að vera mikilvægt fyrir ríkið að sjá til þess að allir séu fitt og flottir fyrst námsmönnum er neitað um að útskrifast fyrr en þeir klára nokkra áfanga í íþróttum. 

Ljósabekkir verði bannaðir börnum

Athugasemdir

[Elvar (IP-tala skráð) 10.3.2010 kl. 09:39]

Þetta er eins og með annað; langbest er að setja alhliða reglur sem gilda fyrir alla. Því miður eru Íslendingar þannig að lög og reglur eiga ekki upp á pallborðið hjá þeim, þar til eitthvað gerist. Þá er allt sett á fullt.

[Jóhannes H. Laxdal, 10.3.2010 kl. 12:38]

Forsjárhyggjan er algjör og teygir sig útum allt, ekkert sleppur undan öngum hennar með þessa áhöfn við brúnna.

Betri lausn væri að hafa viðvörunarskilti fyrir ofan bekkina, svona svipað og með sígarettur, og láta fólk taka ábyrgð á þessu sjálft.

[Arngrímur Stefánsson, 10.3.2010 kl. 13:54]

Lögunum er beitt gagnvart einstaklingum yngri en 18 sek íslenska ríkið treystir ekki til að taka ábyrgð á sjálfum sér kæri Jóhannes. 

Tóbak er sem dæmi bannað yngri en 18.  Hins vegar eru sólbekkir mjög skaðlausir ef þeir eru notaðir í hófi, og ef satt skal segja veit ég ekki um neina manneskju yngri en 18 sem fer sér að voða í sólbekkjalegu. 

Veit reyndar um þó nokkrar miðaldra konur sem hafa farið of geyst. 

Þegar ég hugsa út í það veit ég ekki um nokkurn karlmann, yngri eða eldri en 18 sem hefur farið illa útúr sólbekkjanotkun, svo kanski væri ekki svo vitlaust að leyfa strákum að nota sólbekki. 

Kynjamismunun er auðvitað í lagi í slíkum aðstæðum, sem dæmi þurfa ungir menn að borga hærri tryggingar en ungar konur því þeir eru jú mun líklegri til að keyra eins og fífl heldur en konurnar.