Auðvitað

Auðvitað ætti þetta engan að ljósta sem elding úr heiðskýru lofti, því Vinstri Grænir hafa hvað eftir annað sýnt fram á að þeir séu á móti alþjóðasamstarfi og atvinnusköpum.  Þröngsýni þessa flokks sést lang best hér, enda er þetta ekki einkaflugher.  Þetta eru óvopnaðar orrustuflugvélar, sem eru leigðar til Nató ríkja til æfinga, og vilja þessir aðilar hafa þjónustuaðstöðu hér á landi fyrir flugvélar sínar. 

Jafnvel þó að flugvélarnar væru vopnaðar yrðu þær ekki leigðar til að drepa saklaust fólk eins og margir vinstri-sinnaðir bloggarar halda fram, enda eru þær rússnenskar og þar af leiðandi drasl, sér í lagi þegar Bandaríkjamenn og Bretar eiga vopn til að granda saklausum borgurum í Afganistan sem hægt er að skjóta af skipum úr persaflóa, svo hvers vegna ættu þeir að fara í kostnaðinn við að leigja úreltar rússnenskar flugvélar, vopna þær úreltum vopnum og skjóta þeim á hryðjuverkamenn og drepa saklausaborgara í 1/10-20 tilvika? 

Ég er reyndar ekki frá því að öfgavinstri menn á Íslandi komi í veg fyrir að fyrirtækið vilji setjast hér að, því skemmdarverk virðast nú allt í einu vera í tísku, Sandgerði(nema það var slys en ekki íkveikja) og svo útsendingarmöstrin.  Ef þetta yrði að veruleika fengi eflaust einhver anarkistinn eða öfgahernaðaranstæðingurinn þá flugu í höfuðið að vinna skemmdarverk á þessum vélum.  Sennilega yrði það einhver anarkistinn, hernaðarandstæðingur að vinna skemmdarverk(skæruhernaður kanski) á flugvélum væri nú bara svo mikil hræsni að ég myndi æla útúr mér nýrunum, eflaust myndi svo hundurinn éta þau áður en ég næði að tína þau upp. 

Aðalástæða fyrir klúðrum Ameríska hersins er ekki útaf mannvonsku heldur útaf heimskulegri glufu í lögunum sem heimila flugmönnum þeirra að vera undir áhrifum örvandi lyfja, til þess að halda þeim vakandi meðan löngum flugum stendur.  Auðvitað ber að líta á að samfara þessari lyfjanotkun hefur tíðni ,,friendly fire'' aukist, og eflaust draga þessi lyf úr ákvarðanagetu flugmannana, ekki mannvonskan.  Ég er ekki frá því að helmingur, eða jafnvel meirihluti mannfalls Nató í Afganistan (hermenn ekki borgarar) séu útaf klúðrum Ameríska flughersins, meðan flestir borgararnir deyji útaf hryðjuverkaárásum Mujahideen.

VG hafnar alfarið einkaflugher

Markleysa frá marklausri frú

Þessi kona, er að öllum líkindum alger óþarfi.  Hún hefur ekkert með þetta embætti að gera, og hún hefur engan áhuga á þessu embætti.  Ekki hvarflaði einu sinni að henni að fara til Haiti þegar skjálftarnir dundu yfir. 

Eflaust hafa ESB liðar sett hana í þetta embætti til að ,,utanríkisráðherra'' ESB skyggi ekki á utanríkisráðherra hinna ýmsu aðildarríkja.  Það er langt í að ESB verði samtaka um hina ýmsu hluti og virðist allt á þessari konu að þeir dragi það á langinn með því að setja óhæfar manneskjur sem skortir bæði reynslu, hæfileika og áhuga til að gegna þessu embætti. 

Þessi kona hefur ekki hundsvit á utanríkispólitík, ástandinu á Íslandi og eflaust af Icesave málinu. 

Barónessa segir kröfur á Íslendinga hæfilegar

Allmerkilegt

Ég verð nú að setja spurningarmerki við örfáa hluti.

Hvers vegna eru fjárhættuspil bönnuð en fjárplokkun eins og þessi leyfð? 

Meira en 40 sms á eingöngu 6300 kr, tíundi hver vinnur og ætla ég þessu þá 4 vinninga.  Hver vinningur mætti þá ekki vera verðmeiri en 1500 krónur sirka ef það ætti að græða á þessu.  Það er varla satt svo ég kalla BULL OG ÞVÆLA við þessari ömurlegu markaðssetningu. 

Annars ættu neytendur að sína ábyrgð, hvort sem þeir eru börn eða fullorðnir.  Börn verða jú að læra að láta ekki auglýsingar auðblekkja sig.  Það eru einmitt svona leiðindaatvik sem ríkisstjórnir nýta sér í að banna ýmsa hluti.  Sem dæmi má nefna hugmyndir Svía við að banna SMS lánin svokölluðu.  Auðvitað er bara fáránlegt að banna hentuga þjónustu því sumir kunna ekki að nota hana. 

Fjárhættuspil fyrir börn

Veit ekki með Nató

Veit ekki með Nató, held að allir séu nokkuð hlynntir því núna nema Vinstri-Grænir. 

Þegar Nató var samþykkt var aðalóreiðan útaf því að þjóðinni var skippt í nánast 3 flokka, það er að vera algerlega hlutlaus, komast í mjúkinn hjá BNA eða komast í mjúkin hjá Sovétríkjunum.  Það hefur sýnt og sannað sig að mun betra var að vera vinir Bandaríkjamanna heldur en Sovétmanna. 

Í dag er Nató eiginlega bara sameiginlegt átak Vesturlanda gegn hryðjuverkamönnum.  Nató fór sem dæmi ekki inn í Írak, en fór inn í Afganistan af góðri ástæðu.  Auðvitað er núna hægt að vera þáttakandi í þessu átaki, eða algerlega hlutlaus eins og Sviss og fá hálfvitann hann Gaddafi til að lýsa yfir heilögu stríði gagnvart þér útaf því að sonur hans var handtekinn þar fyrir að berja þjón.  Gaddafi er auðvitað frægur fyrir að sponsora hryðjuverkamenn,(annað en Saddam) og komast upp með það(líka, annað enn Saddam) þótt hann virðist hafa látið af þeirri vitleysu á síðari árum en hann gæti alltaf tekið upp á því aftur. 

Lockerbie var sem dæmi borgað af honum að mig minnir, sem og árás á skemmtistað í Þýskalandi.  Það eitt að mörg ár séu liðin frá því er enginn syndaaflausn. 

Vilja þjóðaratkvæði um ýmis mál

Leiðindalausn

Mikið er þetta leiðinleg lausn.  Sjálfur var ég reyndar nýorðinn 18 ára þegar ég tók einn mánuð í nokkrar ferðir í ljósabekk svo ég sólbrynni ekki á Spáni eins og hafði hent mig 2 árum áður þar í landi.  Svínvirkaði hjá mér það sem meira er.  Hef þó ekkert notað svona bekki síðan.

Auðvitað er hættuleg að ofnota svona bekki, en skelfilega sýnist mér hæstvirtur ráðherra ætla að vera fljót að neita öðrum um þetta útaf nokkrum sem ofnota þetta.  Margar líkamsræktarstöðvar selja kort eða miða fyrir ljósabekkina. 

Væri ekki hægt að hafa skrá yfir hverjir kaupa þessa miða?  Held að margar líkamsræktarstöðvar geri það. 

Væri þá ekki hægt að neita fólki um aðgang að ljósabekkjum oftar en tvisvar í viku(eða þrisvar eða einusinni, fáum einhvern Evrópskan sérfræðing til að dæma um það) Mér mistekst að sjá að þetta yrði of mikið auka vesen fyrir líkamsræktarstöðvar. 

Gæti samhliða þessum lögum sett minni skatt fyrir líkamsræktarstöðvar, þá verður enginn fúll.  Af þeim þjónustufyrirtækjum sem gætu auðveldlega farið á hausin núna eru líkamsræktarstöðvar ekki þau ómerkilegustu.  Hlýtur að vera mikilvægt fyrir ríkið að sjá til þess að allir séu fitt og flottir fyrst námsmönnum er neitað um að útskrifast fyrr en þeir klára nokkra áfanga í íþróttum. 

Ljósabekkir verði bannaðir börnum

Stórfurðulegur Skólinn í Grundarfirði

Já, ég bý í Snæfellsbæ og sæki framhaldsskóla í Grundarfirði daglega með rútu.  Ég sá flutningabílin á hliðinni og fann hvernig vindarnir ýttu rútunni sífellt til vinstri á veginum, og hefði rútan ekki verið jafnfull og hún var í dag hefði hún vel getað farið útaf. 

Það minnir mig nú á nokkuð skemmtilega staðreynd sem mér finnst nokkuð óhugnaleg, er að það virðist aldrei verið slegið af rútuferðum sama hver færðin er á milli Snæfellsbæjar og Grundarfjarðar, en auðvitað er rútuferðum sleppt ef færð er slæm milli Stykkishólms og Grundarfjarðar. 

Ég man þegar ferðin tók næstum 2 klukkutíma vegna blindbils og mikils rok á leiðinni, en rútan átti þó að keyra alla leið, þar sem mjög gott skygni þótti milli Stykkishólms og Grundarfjarðar. 

Sem og á seinastliðin föstudag var veður með ágætum hér í Snæfellsbæ, en rútuferðir lágu niðri vegna þess hve slæmt veðrið var í Kolgrafarfirðinum, milli Stykkishólms og Grundarfjarðar.  Sennilega er ástæðan fyrir þessu að flest allt starfslið skólans er komið úr Grundarfirði eða Stykkishólmi og mjög lítið af því utan úr Snæfellsbæ, en mér finnst þó leitt að lífi mínu sem og aðra samnemenda minna skuli vera stofnað í hættu vegna þessa samskiptaleysis. 

Fiskflutningabíll valt

Kemur ekki á óvart

Það er merkilegt þegar litið er á Holland, hvað öfgasinnaðir múslimar hafa fengið miklu framgengt.  Mig minnir að það hafi verið keyrt í gegn í Hollandi fyrir 1-2 árum lög sem gera refsivert að móðga trúarbrögð annara.  Það er auðvitað ótækt, þar sem þeir móðguðu auðvitað mjög margt fólk sem álýtur málfrelsið heilagt.  Ekki hef ég mikið álit á Geert Wilders, en ég get skilið afstöðu Hollendinga. 
Öfgasinnaðir múslimar þarna í Hollandi hafa því miður komist upp með of mikið með því einu að öskra orðið rasisti þegar einhver andmælir þeim.  Auðvitað muna flestir eftir orðinu á Theo van Gogh, sem var stunginn til bana fyrir að búa til kvikmynd sem fjallaði um múslima á nokkuð neikvæðan hátt. 

Sem og önnur frétt sem kom út stuttu eftir á að mig minnir þar sem táningur var líka stunginn til baka af Múslimum því hann vildi ekki gefa þeim MP3 spilara.  Eflaust hefur orðið rasisti flogið út einhverstaðar meðan verið var að drepa hann.  Ekkert réttlætir voðaverk jafnvel og það. 

 Mér sýnist á öllu að Hollendingar séu einfaldlega komnir með upp í kok á heimtufrekju, ofbeldi og yfirgangi öfgatrúarmanna og virðast ætla að svara fyrir sig með því að kjósa öfgamenn.  Eflaust hefur Hollenska samfélagið kallað núverandi stöðu yfir sig sjálft og fær enginn þeirra samúð frá mér.  Ekki einu sinni eðlilegir múslimar, þeir hafa líka brugðist í að halda aftur af öfgatrúarmönnum. 

Wilders stefnir að stórsigri

Þetta er nú almennileg skepna!

Mun betri en veimiltítan hann Keikó.  Ég segi að Íslendingar farið þegar í stað að eyða tíma og fjármunum í að fá kvikindið framselt til Íslands svo við getum sleppt honum eftir að hafa geymt hann nokkurn tíma í höfninni í heimaey. 

Keikó var orðinn aumingi af sökum frægðar og hafði engan mann drepið, og lést úr lungnabólgu. Ugginn á honum var boginn það sem meira er.  

Þessi háhyrningur ætti að vera mun betra fordæmi um hvað telst Íslenskt.  Auk þess virðist hann harðari af sér og ætti því ekki að drepast úr lungnabólgu.  A.m.k. fáum við nokkra mánuði til að hugsa útí eitthvað annað enn kreppu meðan við heimtum að fá háhyrningin framseldan. 

Fari allt á besta veg getum við gefið út barnabækur um hann.  Mig minnir að ég hafi lesið eina um Keikó á sínum tíma.  Fjallaði að mig minnir um 2 krakka sem týndust og Keikó bjargaði þeim, með þessari bók getum við farið að gefa út bækur í anda Stephen Kings, Flóttamaðurinn og þessháttar spennubækur þar sem blóðið flæðir í lækjum meðan hetjan drepur þá sem ofsækja sig. 

Við gætum jafnvel notað hann í að búa til Íslenska útgáfu af myndinni Jaws.  Málum dýrið bara grátt og voila. 

Annað hvort það eða horfa á fréttir, en þeir eru bara orðnar svo andskoti niðurdrepandi upp á síðkastið. 

Háhyrningur í Orlando drap konu

Útbúið þá þau lög.

Eitt er víst að það er ferlega ósanngjarnt að maður megi ekki fara í fjárhættuspil með eigin peninga meðan bankamenn mega gera það með annara manna peninga. 

Sérstök lög þyrfti um spilavíti

Kemur ekki á óvart

Það er ekkert leynt farið með hatur múslímana á gyðingunum, hvorki í pressunni né fara þeir sjálfir leynt með það.  Innrásin í Gaza jók bara á hatrið, enn múslímarnir hafa hatað gyðinga í þónokkra áratugi, allt frá stofnun Ísraelsríkis. 

Nú í Bretlandi þar sem nánast öllum sem vilja er hleypt inn koma einnig merkilega súr epli, það eru þá oftast öfgatrúaðir og ofstækisfullir Ímamar, og eru þeir soldið merkilegir.  Það eru oftast menn sem hata Bretland, hata hve ógeðslega spillt Bretland er og hata Breta yfir höfuð, enn vilja auðvitað vera í Bretlandi þar sem þeir fá styrki frá ríkinu og verndun gegn ofbeldi.  Merkilegt nokk reyna þessir ofstækisfullu menn sitt besta í að troða upp áróðri gangvart landinu sem tók þá inn, og auðvitað eins og sönnum ofstækismanni sæmir, hvetja til ofbeldis gagnvart öðrum trúarhópum, sérstaklega gyðingum. 

Bresk stjórnvöld gera afskaplega lítið til að sporna gegn þvílíkum mönnum, sem útskýrir hvers vegna Gordon Brown er svona skelfilega óvinsæll, sem og það að Íhaldsflokkurinn sækir á.  Hins vegar er það verra, að svona samfélagsástand er einnig gróðrastía fyrir skítflokka eins og BNP(British National Party) sem myndi útleggjast á góða Íslensku sem Breski Þjóðernisflokkurinn. 

Gyðingar eru gífurlega óheppið fólk, enda verða þeir fyrir hvað mestu hatri flestra annara.  Ekki nóg með að Múslímar séu gífurlega á móti þeim, heldur eru til nokkuð stór hópur vinstri-sinnaða rugludalla sem halda að Gyðingar séu að taka yfir heiminn hérna á vesturlöndum.  Athugið bara önnur blogg útá þessa frétt, ég er viss um að þið finnið einhvern sem heldur að Gyðingarnir séu í einu stóru samsæri út í heimin. 

Auðvitað er það alveg útí hött að halda að frímúrarareglan, sem er upprunalega kristinn hópur múrara sem vildu stofna samtök á miðöldum til að vernda hagsmuni sína(það er að segja múraranna) séu hættuleg samtök.  Skrýtnar hefðir kunna að hafast við þar og skrítin tákn og samtökin eru merkilega kristin, en ekkert slíkt er óeðlilegt þar sem samtökin eru jú komin frá miðöldum.  Í dag eru þessi samtök orðin að hálfgerðu snobbvinafélagi. 

Kaldhæðnislegt að fólk geti talið sér trú um að gyðingar stjórni frímúrarareglunni þegar eitt að skilyrðunum til að ganga í þessa reglu er að vera Kristinn.  Þó er þetta langt frá því að vera heimskulegustu samtökin sem fólk trúir að stjórni heiminum.  Ég tók saman lista sem yfir samtök sem samsæriskenningasmiðir trúa að stjórni heiminum.

http://en.wikipedia.org/wiki/Bilderberg_Group#Recent_meetings 
Þessi samtök halda lokaða fundi, og þá telur fólk að þeir vilji stjórna heiminu.  Þeir hafa hingað til haft ansi langan tíma til þess enn ekkert virðist vera að ganga.  Kim Jong Il er enn í Kóreu, Ameríka og Evrópa virðast sífellt verða fjarlægari hvor örðu og svo framvegis. 

http://en.wikipedia.org/wiki/United_Nations
Pass á þetta, þeir geta ekki einu sinni komið í veg fyrir að Ísrael ráðist á Líbanon. 

http://en.wikipedia.org/wiki/Council_on_Foreign_Relations#Controversy
Hópur af ráðgjöfum sem reyna að hjálpa forseta Bandaríkjanna með samskipti við aðrar þjóðir.

http://en.wikipedia.org/wiki/Freemasonry og http://en.wikipedia.org/wiki/Illuminati sem fólk setur = merki við.  Illuminati voru samtök í Þýskalandi á 18. öld sem lítið er vitað um og eru dauð núna(sumir segja enn lifandi) og frímúrarareglan er lokaður lionsklúbbur með engin góðgerðarverkefni.  Illuminati þýðir upplýstir(enda var þetta stofnað á öld sem kallast á ensku enlightenment, eða upplýsingin)

http://en.wikipedia.org/wiki/David_Icke#Reptilians_and_shape-shifting 
Já... David Icke heldur því fram að illuminati séu eðlufólk sem stjórni heiminum og geti tekið á sig líki hvers sem er.  huh... það er ómögulegt að þræta við það. 

Fékk þessi 5 samtök af Cracked.com þar sem ég nennti ekki að leita almennilega af þeim og fann fyrsta listan af þeim hjá þeim. 

Gyðingahatur aldrei meira í Bretlandi