Kemur ekki á óvart

Það er ekkert leynt farið með hatur múslímana á gyðingunum, hvorki í pressunni né fara þeir sjálfir leynt með það.  Innrásin í Gaza jók bara á hatrið, enn múslímarnir hafa hatað gyðinga í þónokkra áratugi, allt frá stofnun Ísraelsríkis. 

Nú í Bretlandi þar sem nánast öllum sem vilja er hleypt inn koma einnig merkilega súr epli, það eru þá oftast öfgatrúaðir og ofstækisfullir Ímamar, og eru þeir soldið merkilegir.  Það eru oftast menn sem hata Bretland, hata hve ógeðslega spillt Bretland er og hata Breta yfir höfuð, enn vilja auðvitað vera í Bretlandi þar sem þeir fá styrki frá ríkinu og verndun gegn ofbeldi.  Merkilegt nokk reyna þessir ofstækisfullu menn sitt besta í að troða upp áróðri gangvart landinu sem tók þá inn, og auðvitað eins og sönnum ofstækismanni sæmir, hvetja til ofbeldis gagnvart öðrum trúarhópum, sérstaklega gyðingum. 

Bresk stjórnvöld gera afskaplega lítið til að sporna gegn þvílíkum mönnum, sem útskýrir hvers vegna Gordon Brown er svona skelfilega óvinsæll, sem og það að Íhaldsflokkurinn sækir á.  Hins vegar er það verra, að svona samfélagsástand er einnig gróðrastía fyrir skítflokka eins og BNP(British National Party) sem myndi útleggjast á góða Íslensku sem Breski Þjóðernisflokkurinn. 

Gyðingar eru gífurlega óheppið fólk, enda verða þeir fyrir hvað mestu hatri flestra annara.  Ekki nóg með að Múslímar séu gífurlega á móti þeim, heldur eru til nokkuð stór hópur vinstri-sinnaða rugludalla sem halda að Gyðingar séu að taka yfir heiminn hérna á vesturlöndum.  Athugið bara önnur blogg útá þessa frétt, ég er viss um að þið finnið einhvern sem heldur að Gyðingarnir séu í einu stóru samsæri út í heimin. 

Auðvitað er það alveg útí hött að halda að frímúrarareglan, sem er upprunalega kristinn hópur múrara sem vildu stofna samtök á miðöldum til að vernda hagsmuni sína(það er að segja múraranna) séu hættuleg samtök.  Skrýtnar hefðir kunna að hafast við þar og skrítin tákn og samtökin eru merkilega kristin, en ekkert slíkt er óeðlilegt þar sem samtökin eru jú komin frá miðöldum.  Í dag eru þessi samtök orðin að hálfgerðu snobbvinafélagi. 

Kaldhæðnislegt að fólk geti talið sér trú um að gyðingar stjórni frímúrarareglunni þegar eitt að skilyrðunum til að ganga í þessa reglu er að vera Kristinn.  Þó er þetta langt frá því að vera heimskulegustu samtökin sem fólk trúir að stjórni heiminum.  Ég tók saman lista sem yfir samtök sem samsæriskenningasmiðir trúa að stjórni heiminum.

http://en.wikipedia.org/wiki/Bilderberg_Group#Recent_meetings 
Þessi samtök halda lokaða fundi, og þá telur fólk að þeir vilji stjórna heiminu.  Þeir hafa hingað til haft ansi langan tíma til þess enn ekkert virðist vera að ganga.  Kim Jong Il er enn í Kóreu, Ameríka og Evrópa virðast sífellt verða fjarlægari hvor örðu og svo framvegis. 

http://en.wikipedia.org/wiki/United_Nations
Pass á þetta, þeir geta ekki einu sinni komið í veg fyrir að Ísrael ráðist á Líbanon. 

http://en.wikipedia.org/wiki/Council_on_Foreign_Relations#Controversy
Hópur af ráðgjöfum sem reyna að hjálpa forseta Bandaríkjanna með samskipti við aðrar þjóðir.

http://en.wikipedia.org/wiki/Freemasonry og http://en.wikipedia.org/wiki/Illuminati sem fólk setur = merki við.  Illuminati voru samtök í Þýskalandi á 18. öld sem lítið er vitað um og eru dauð núna(sumir segja enn lifandi) og frímúrarareglan er lokaður lionsklúbbur með engin góðgerðarverkefni.  Illuminati þýðir upplýstir(enda var þetta stofnað á öld sem kallast á ensku enlightenment, eða upplýsingin)

http://en.wikipedia.org/wiki/David_Icke#Reptilians_and_shape-shifting 
Já... David Icke heldur því fram að illuminati séu eðlufólk sem stjórni heiminum og geti tekið á sig líki hvers sem er.  huh... það er ómögulegt að þræta við það. 

Fékk þessi 5 samtök af Cracked.com þar sem ég nennti ekki að leita almennilega af þeim og fann fyrsta listan af þeim hjá þeim. 

Gyðingahatur aldrei meira í Bretlandi

Hver þremillinn er ,,samsvarandi háttur''

Nú er mér spurn, til Kínverskra embættismanna. 

,,Embættismaður kínverska kommúnistaflokksins, Zhu Weiqun, sagði að Kínverjar myndu „svara með samsvarandi hætti“ ef Bandaríkjaforseti ætti fund með Dalai Lama. '' Nú fór ég að grúska um í heilanum á mér og fann svarið.  Rick Perry. 

Rick Perry er amerískur þingmaður sem hefur áhuga á að Texas lýsi yfir sjálfstæði.  Nú fæ ég illa skilið hvað fundur með honum og einhverjum Kínverskum kommúnistum fær áorkað.  Hann er auðvitað eins og flestir Texasbúar, mikill hægri maður meðan Kínverjar eru kommúnistar.  Hins vegar er ég nokkuð viss, um að Bandaríkjamenn virtu rétt Texasbúa til að lýsa yfir sjálfstæði ef til þess kæmi.  Auðvitað væri það sár missir fyrir bandaríkjamenn, enn ég stórefa að Barack Obama myndi senda herlið á svæðið eins og Kínverjar eru fljótir til að gera þegar Tíbetar eru ósáttir með stjórnsýslu ríkisins, eða taumlaussa hæfileika Kínverskra embættismanna til að sneiða hjá mannréttindum ef það er ekki brotið gagnvart Han Kínverjum. 

Annars gætu Kínverjar fundað með Hugo Chavez eða Kim Jong Il.  Hvað sem því lýður er þetta án efa ein innihaldslausasta og heimskulegasta hótun sem ég hef borið augum.  Ekki ósvipað 2 leikskólakrökkum, einn svarthærður og hinn rauðhærður og sá svarthærði segir ,,Haha þú ert rauðhærður'' meðan hinn svarar að bragði ,,Þú ert sjálfur rauðhærður''.  Ekkert hef ég útá rauðan hárlit að setja, finnst hann með þeim fallegri ef ekki sá fallegasti, enn áður enn menn ætla að svara einhverjum í sömu mynt verður það að eiga við. 

Nema Kínverjar fundi með Osama Bin Laden, þá mun heimurinn sitja límdur við skjáin meðan Osama röflar um hvað Bandaríkjamenn eru vondir og ógeðslegir meðan Bandaríkjamenn eru enn uppteknir við hjálparstarf á Haiti. 

Vara við fundi með Dalai Lama

Þetta er áhugaverð hugmynd

Þessa hugmynd mætti greinilega skoða betur, enda ekki margt sem mælir henni í mót.  Meintar pyntingar á föngunum í Guantanamo væri mun erfiðara að komast upp með hérna á Íslandi.  Peningana vantar okkur, og Bandaríkjamenn vantar stað fyrir næsta fangelsi fyrir grunaða hryðjuverkamenn.  Auk þess væri þetta fín leið til að láta gott að sér leiða fyrir Nató samstarfið.

Mig grunar þó að núverandi ríkisstjórn myndi aldrei leyfa þetta. 

Leggur til að fangar verði fluttir til Íslands

Tékknesku dómararnir spennufíklar

Voðalega varð maður fúll yfir þessari dómgæslu, íslendingar sentir útaf í hrönnum og Króatar fengu seinni partinn af leiknum aukaköst þangað til þeir skoruðu.  Það mætti halda að dómararnir hafi gefið þeim svona sjensa vísvitandi til að auka spennuna á leikin, enn þetta þótti mér eins og flestum íslendingum hundleiðinlegt að horfa uppa. 

Þá er bara að vona að við vinnum næstu leiki meðan króatir jafni, eða tapi.  Eitt er víst að best væri að finna dómara sem búa örlítið lengra frá keppnisþjóðum næst. 

Jafntefli gegn Króötum

Vonandi stórýkt tala

Hörmunganar sem dundu yfir Haiti eru án efa með þeim verstu á þessari öld og hreint út sagt ömurleg leið til að byrja nýjan áratug.  Samúð mín er öll með Haiti búum, sem hafa búið við mikinn skort og fátækt undanfarna áratugi og bætist nú þetta ofan á.  Nú þegar svo langt er liðið frá jarðskjálftanum eru líkurnar að finna einhvern á lífi hverfandi.  Sennilega munu björgunarsveitir hætta leit fljótlega og snúa sér aðalega að heilsugæslu. 

Fall er fararheill hefur stundum verið sagt og nú kanski gæti athygli heimsins beinst örlítið gagnvart þessu fátæka ríki og aukið við aðstoð við það.  Bandaríkjamenn hafa nú þegar sent gífurlega mikinn mannafla til Haiti, meðal annars hermenn til að vernda björgunarstarfsmenn því í fátækum ríkjum eru glæpir mikið vandamál og sérstaklega eftir hamfarir. 

Þó eru ekki allir jafn sáttir með stöðuna, Hugo Chavez sem dæmi reyndi að nota þetta í ávarpi sínu sem áróður, haldandi fram að Bandaríkjamenn séu að hertaka Haiti.  Í því tilviki vill ég vitna í Spánarkonung þegar hann ávarpaði Hugo Chavez á fundi spænskumælandi landa fyrir nokkrum árum.  ,,Myndiru nokkuð vilja halda kjafti?'' Því þetta er hvorki staður né stund til að láta slíka vitleysu útúr sér. 

Ég býst við að styttist í að Íslenska björgunarsveitin snúi aftur heim og hvet alla landa mína til að bjóða hana hjartanlega og innilega velkomna aftur. 

200 þúsund manns látin á Haítí

Einföld lausn

Ekki veit ég hvort þetta sé niðurgreitt þarna í Bretlandi, enn ef svo er, þá er lausnin jafnvel einfaldari. 

Eina sem þarf að gera er að stighækka kostnaðinn við fóstureyðingar.  Þ.e.a.s. hún verður dýrari í hvert skipti, fyrsta skiptið ætti að vera auðvelt, annað líka.  Þriðja ætti að vera dýrt og sem og fjórða.  Fimmta og sjötta skiptið ætti eingöngu að vera á auðmannsfæri, enn það er óskhyggja að ætlast til að nokkur manneskja fari svo oft í fóstureyðingu.  Nema núna, í þetta eina skipti, enn hún hefði ábyggilega ekki farið í fyrstu 5 hefðu þeir verið á stighækkandi kostnaði. 

Vonandi innleiða nú einhverjir þetta, þá er ýtt meira við fólki að nota smokkinn sem er ekki bara ódýrari, heldur ver einnig gegn kynsjúkdómum. 

Fóstureyðing notuð sem getnaðarvörn

Skatthækkarnir auka bara við vandan

Nú væri best að lýkja skattahækkunum við að sópa ruslinu undir teppið.  Vandinn sést ekki eins vel í smá stund enn þegar einhver annar tekur við ríkisstjórn eða þegar teppið tekur ekki meira verður bara enn meira sem þrífa þarf upp.  Það sem þarf til að bjarga okkur úr kreppunni er sterkt efnahags og atvinnulíf.  Skattahækkarnir drepa hvort tveggja niður. 

Fyrirtækji segja upp fólki til að haldast gangandi, sem er auðskiljanlegt, betra að helmingur starfsmanna missi vinnuna enn allir starfsmenn.  Sjálfur tel ég að fyrirtækjunum sé ekkert vel við það, að minnka við framleiðsluna og verða kanski á sama reit og þau voru fyrir 10 árum, enn ekki virðast vinstri-mennirnir í ríkisstjórn hafa áhyggjur af því.  Eina sem Jóhanna rembast við að passa uppá er velferðarkerfið, sem er gott og blessað enn verður að sitja á hakanum eins og ástandið er.  Að öllu óbreyttu verður þessi lofaða skjaldborg ekkert nema ríkísrekinn tjaldborg þar sem fólk fær ókeypis tjöld. 

Sjálfur tel ég rangt að núverandi skattahækkarnir dragi úr vilja til menntunar, enda trúa flestir að skatturinn sé bara tímabundinn, og flykkist fólk núna í skóla því það borgar sig ekkert lengur að vinna.  Enn auðvitað gæti það verið óskhyggja, það er aldrei að vita nema núverandi ríkisstjórn verði kosin aftur, og sjálfur tel ég hana ekki ætla að lækka skatta þegar erfiðasti hjallinn er yfirstiginn, heldur tel ég hana eingöngu ætla að auka við útgjöld.  Forræðishyggja er auðvitað slagorð vinstri-manna og er velferðarkerfi ekkert nema fallegt orð yfir forræðishyggju. Eftir allt, þá veit ríkið miklu betur enn þú hvað þú ættir að eyða peningunum þínum í. 

Enn aftur að atvinnuleysisbótunum.  Þær eru mjög dýrar, og eru festar við 80% af fyrrverandi launum, eða lágmarksatvinnuleysisbótum, eftir hvort sem er hærra.  Þessu kerfi vill maður auðvitað sjá breytt þegar aðstæður batna, í stiglækkandi atvinnuleysisbætur.  Of margir hálaunamenn missa vinnuna og vilja ekki aðra því þeir fá hærri 80% bætur enn 100% laun.  Þess vegna vildi ég sjá að eftir kreppu væri kerfinu breytt í stiglækkandi bætur.  Það gefur mönnum tíma til að selja rándýra nýja jeppan sinn ef sú er raunin, tíma til að finna vinnu enn ekki tíma til að sitja á rassgatinu og bíða eftir draumastarfinu aftur. 

Sagnfræðingar í dag eru á sama máli varðandi stóru kreppuna á þriðja áratugnum, ríkisstjórnir framlengdu kreppuna með því að hækka skatta.  Nútímafólki finnst auðvitað heimskulegt að víkingar drápu mann og annan fyrir minnstu sakir.  Við gerum það ekki núna því við vitum betur.  Flestu fólki finnst heimskulegt að ríkisstjórnir hækkuðu skatta til að styrkja atvinnulífið, enn samt dettur fólki enn í hug að gera það? Það er víst að annað hvort er að annað hvort féllu allir í ríkisstjórninni í Hagfræði 103 eða það er farið að rigna svo langt uppí nefið á þeim að þau telji sig vera eina fólkið sem geti látið ómögulega og glataða áætlun sem engum hefur tekist upp að ganga upp. 

Úff... kanski þau fái jafnvel þá flugu í höfuðið að Íslendingar séu svo frábærir að þeir eru eina landið sem gæti látið kommúnisma ganga upp.  Skattahækkanirnar eru á góðri leið með að setja okkur í þau spor, land þar sem ekkert verður aðhafst því enginn á pening, nema ríkisstjórnin styrki öll verkefni.  Þar sem ríkisstjórnin tekur geðþóttaákvarðanir um hvaða verkefni verðskuldi styrki og hver ekki.  Þar sem ríkisstjórnin getur ákveðið við hvað fólk vinnur í framtíðinni.  Það væri nú ekki alslæmt ef þetta væri ekki grænt lið líka.  Einu verkefnin sem eru líkleg til að fá styrki eru túristaiðnaður og skógrækt, svo farðu og lærðu ensku og eitt norrænt tungumál og vertu viðbúinn atvinnuleysi hálft árið eins og Spánverjarnir. 

Og hey... munið þið að Ísland er að verða parardís fyrir ferðamennina útaf því hve ódýrt er að heimsækja okkur?  Hehe... ekki lengur.  Talandi um að skjóta sig í fótin. 

Höfundur er stoltur meðlimur SUS, svo ég tala auðvitað ekki hlutlausum augum.  Það getur þó ekki sakað að leyfa fólki að heyra mín sjónarhorn. 

SUS mótmælir skattahækkunum

Íslamska byltingin að lýða undir lok?

Það er greinilegt að núverandi æðsti klerkur Írans sé greinilega ekki jafn virtur og Ayatollah sem byrjaði Íslömsku byltinguna.  Þessi klerkastjórn hefur nú lifað þó nokkuð lengi miðað við nútímapólitík og enn virðist með vaxandi mótmælum að vera að enda þarna í Íran.  Það er kanski ekkert óskiljanlegt, enda hefur Klerkastjórnin afskaplega lítið gert síðan hún afnam einræðishyggju keisarans.  Eina sem hún gerði var að koma á nýju einræði nema núna með trúnna sem afsökun. 

Stjórnin hefur þó lifað af þónokkur áhlaup, helsta var í Íran-Írak stríðinu 1980-1988 þegar Saddam Hussein réðst inní Íran, í þreföldum tilgangi.  Eignast olíulindir undir því yfirskyni að innlima Íraka sem væru Írans-megin við landamærin.  Brjóta niður stjórn Írans sem vægast sagt hafði mikla andúð á lýðræðislegri ríkjum við Persaflóan eins og Sádi Arabíu og Kuweit og auðvitað brjóta niður Íranska herin svo Írak yrði mesta herveldi Persaflóans.  Öll þessi áform mistókust nema það seinasta, enn eftir 8 ára styrjöld og enginn vildi selja Írönum vopn var her þeirra ekki uppá marga fiska. 

Írak kom þó út skítblankt og skuldugt við nágranna sína sem lánuðu örlætislega, þá Kuwait og Sádi Arabíu.  Eins og við mátti búast fóru Kuwaitar og Sádar að heimta peningana sína aftur og leyfðu Írak á sama tíma ekki að fara yfir olíukvótan, sem endaði með því að Saddam réðst inní Kuwait og þaggaði þar með samtímis í Sádum, enn þá brugðust Bandaríkjamenn hart við og varð Persaflóastríðið og féll þá Íran í gleymsku þar til eftir seinna persaflóastríð. 

Vel skil ég mótmælendur þessa, enda eru mannslíf ekki verðmæt hjá núverandi Íransstjórn, og má þá nefna ódýra jarðsprengjuleitartækni Írana í Íran-Írak stríðinu.  Hún var þannig að ungir menn voru klæddir í þykk föt svo þeir myndu rifna sem minnst í tætlur, svo hægt væri að jarða þá á auðveldari og smekklegri hátt og voru þeir látnir fara fremstir í sókn, í þeim tilgangi að sprengja jarðsprengjurnar með sjálfum sér. 

Núverandi Íransstjórn virðist vera að færa sig æ nær Norður-Kóreu í hugsunarhætti, og vilja til dæmis ekki leyfa utanaðkomandi aðilum að auðga úranið fyrir sig fyrir kjarnorkuverin sem þeir ætla að reisa.  Auðvitað vekur slík hegðun bara upp grunsemdir að úranið eigi kanski ekki að nota í jafn friðsömum tilgangi og af er látið.  Ekki leyfði Norður-Kórea neinum að auðga úranið fyrir sig og byggðu þeir þá auðvitað Kjarnorkusprengju. 

Enn ef fer eins og núna og tálsýnir klerkanna hverfa fyrir almúganum verður engra aðgerða þörf gagnvart Írönsku klerkastjórninni, því fólkið í landinu virðist vera búið að fá sig fullsaddan af fasisma þeirra, sem þeir reyna að afsaka sem trú.  Ef til vill verður þetta stóra fjölmenna ríki orðið lýðræðislegra enn flest önnur ríki við Persaflóan innan áratugar, enn líklegast er það óskhyggja ein.  Ef Íransku klerkunum er jafn vel við að fórna andstæðingum sínum og eigin stuðningsmönnum endar þetta eflaust svipað Tianaman torgi í Kína. 

Mótmælendur bjóða yfirvöldum birginn

Aumingjaskapur hryðjuverkamanna á sér engin takmörk!

Það hefur þótt dæmi um þröngsýni hjá mörgum að setja samasem merki við hryðjuverkamenn og vonda menn.  Ég spyr nú sömu aðila og hafa hingað til haldið því fram hvað þeim finnist?  Að berjast á móti erlendu setuliði eða öðru þjóðarbroti er eitt lið, það er annað að sprengja skóla fullan af börnum. 

Auðvitað tekur enginn kröfur svona aumingja alvarlega.  Haldið þið t.d. að Norskir og Franskir andspyrnumenn hafi barist gegn nasismanum með því að sprengja barnaskóla?  Það eru meiri dæmi um svona ógeðslegan aumingjaskap hjá nútíma hryðjuverkamönnum.  Í Afganistan þykir Talíbönum ekkert sjálfsagðara enn að skvetta rafgeymissýru í andlitið á stúlkubörnum, og afmynda þær fyrir lífstíð fyrir þann litla glæp að sækja í mannréttindi sín, réttin til menntunar. 

Ég ætla að vona að þessir glæpamenn verði sóttir til saka og hengdir úr næsta tré.  A.m.k. gáfu þeir ekki börnunum í skólanum sanngjörn réttarhöld.  

Sprengjuárás á barnaskóla

Alltaf eru Bretar til í að gagnrýna okkur

Já... það væri nú bara stórkostlegt ef bretar væru jafn opnir fyrir aðfinnslum og við hérna á Íslandi.  A.m.k. fannst þeim ekkert athugavert við það að byggja 80.000 manna borgina Grimsby aðalega á því að veiða Íslenskan fisk. 

Reyndar er rétt að Íslendingar reiði sig soldið á Álið enn það er auðvitað útaf því að vinna ál úr súráli er mjög orkufrekur iðnaður.  Ég get ekki séð annað enn að við Íslendingar séum til fyrirmyndar með því að útvega hreina orku í jafn orkufrekan iðnað.  Ef þetta yrði gert í bretlandi þyrfti sennilega kol fyrir allt klappið sem væri rándýrt sem og mjög mengandi.  Íslendingar eru alveg tilbúnir að selja einhverjum öðrum enn álfyrirtækjum orku.  Það hefur bara enginn annar spurt nema Rússneskt olíufyrirtæki sem var afþakkað eins og allir muna. 

Það er afskaplega auðvelt að röfla og þykjast vita betur eftirá, enn þangað til að við fáum einhver tilboð erum við nokkuð föst með álvinnsluna.  Ekki nema ríkisstjórn taki sig til og reyni að eiga soldið frumkvæði að tilboðunum í stað þess að sitja og bíða eftir gullgæsinni. 

Boyes: Of mikil áhersla á ál