Guð blessi Noreg

Enn einu sinni.

Gull þegar olían klárast

Hafa þeir ekkert annað að gera?

Það er nú löngu búið að hætta við þessa brennu, annaðhvort hefur Tyrkneska ríkisstjórnin ekki haft fyrir því að segja íbúunum þar, eða fólkið hefur bara afskaplega lítið að gera.

Batman mótmælir Kóranbrennu

Merkilegt...

Ég styð nú ekki endilega stefnu Svíþjóðardemókratanna en ef það hefði verið í boði að mótmæla að Borgarahreyfingin fékk á sínum tíma atkvæði hefði ég eflaust tekið vel í það. 

Fáránlegt að mótmæla útkomu sanngjarna kosninga.  Fólk ætti frekar að berjast gegn forsendu þess að það séu svona flokkar til, ekki gegn flokkunum.  Hvort sem forsendan er fáfræði eða léleg samhæfing útlendinga í samfélagið þá er það rót vandans.  Það þýðir ekkert að byggja ghettó hverfi fyrir innflytjendurna og klóra sér svo í hausnum af hverju þeir verða ekki Svíar, innilokaðir í ghettóunum.  Nasistarnir sópuðu gyðingunum í Ghettó einmitt til að halda þeim FRÁ Þýsku samfélagi.

Mótmæla Svíþjóðardemókrötum

Breytinga þörf vestanhafs.

Það er ótrúlegt að horfa á að land með jafn sterka lýðræðiskennd og Bandaríkin skuli en halda sig við tveggja flokka kerfi, sem er að mati mínu ógeðslegasta lýðræðiskerfi sem til er.  Eins að Bretar skuli halda í það kerfi. 

Til að útskýra lítillega, virkar það svona, landinu er skipt í mörg kjördæmi, mjög mörg, og hvert kjördæmi fær einn þingmann, (þingmann og öldungardeildarþingmann í Bandaríkjunum) og sá sem fær flest atkvæði fer á þing.  Þetta skilar sér í tveggja flokka kerfi, þar sem eingöngu tveir stærstu flokkarnir eiga möguleika á að koma sér á þing.  Demókratarnir á Bretlandi voru ekki langt að baki verkamannaflokknum en urðu þó langt undir í þingmannatölunni útaf þessu rotna kerfi. 

Í Bandaríkjunum hafa menn sniðið sér stakk eftir vexti, og skipist pólitík þar í tvo flokka, sem eru eins ólíkir hvor öðrum og þeir eru sjálfum sér.  Þar sem eingöngu tveir flokkar eru í boði, hópast Friedmanistar, Evangelistar, McCarthyistar, Íhaldsmenn og allt sem til hægri mætti telja í Republikanaflokkin, þótt þeir séu mjög ólíkir flokkar frá hvor öðrum. 

Í Demókrataflokknum er hins vegar allt frá Bolsévikum, grænmetisætum(vinstri-grænum týpum) til eðlilegra manna.  Báðir flokkarnir hafa sína vitleysinga og venjulegt fólk, en báðir verða bendlaðir við vitleysinganna enda ekki úr öðru að velja. 

Við Ísleningar getum verið mjög ánægðir með kjördæmaskipan okkar, hún bíður mun fleirri flokkum þingsæti og þess vegna mun fleirri skoðunum raddir á þingi.  Í Bandaríkjunum eru oft háværustu barátturnar innanflokks, eins og Clinton/Obama, bæði úr sama flokki en bæði með mjög mismunandi skoðanir, sama gerðist þarna í Delaware sýndist mér. 

Eflaust vilja flokkarnir halda í þetta kerfi því þetta kerfi hentar stærstu tvem flokkunum svo vel, og meðan þessir stærstu tveir flokkar stjórna(Bandaríkjunum og Bretlandi) sjá þeir ekki ástæðu til að breyta til, og missa hugsanlega hluta valda sinna. 

Frambjóðandi Teboðsins sigraði

Hvurslags hegðun er þetta?

Eru þetta menn sem vilja láta koma fram við sig eins og löglega og gilda ríkisstjórn yfir margmilljón manna þjóð? Sem hegða sér eins og verstu sjóræningar, handataka fólk án dóms og laga og heimta svimandi háar upphæðir fyrir lausn þess?

Það er hreint óhugnalegt að sjá hve miklum hamförum Íranska ríkisstjórnin hefur farið á undanförnum misserum og getuleysi hvíta hússins til að gera nokkuð.  Það er ekkert leyndarmál að Íranska ríkisstjórnin fjármagnar og þjálfar hryðjuverkamenn til að herja á Íraka, en ekkert er aðhafst? Svo þykjast þessir menn núna vera svo heiðarlegir að þeir geti rekið kjarnorkuver og lofa að nota það ekki í að búa til vopn, hvurslags hálfviti myndi trúa þeim, þetta eru glæpamenn og fjárkúgarar. 

Íran hefur kastað mörgum steinum upp á síðkastið, enda vita þeir að Bandaríkjamenn hafa ekki getu né vilja til að ráðast inn í Íran, en kastið ekki steinum þið sem standið í glerhúsum, það sást vel hve lítin stuðning stjórnin hefur þegar kosningunum lauk, ef þetta voru þá alvöru kosningar en ekki bara svindl.

En eins og Edmund Burke sagði, eina sem þarf til að illskan sigri er að góðir men geri ekkert.  Góðir menn gerðu ekkert í Íran og nú er klerkastjórnin búin að mynda gríðarlegt net spillingar og valda sem erfitt er að stugga við.  Eflaust verður þetta svona í Íran þangað til olían þeirra klárast og landið fer á hausinn, fólk verður bálreitt að ríkisstjórnin hafi eytt olíuauðnum í vopnakaup og vitleysu.

Íranir setja upp 500.000 dala lausnargjald

Hvar er hinn margrómaði heimur moggabloggara nú?

Eins sorglegur og atburðurinn þarna er, er sorglegra að sjá að nú þegja sjálfskipaðir krossfarar friðar og sérfræðingar í deilunni þarna fyrir botni miðjarðarhafs.  Hvernig stendur á því að enginn hefur en skrifað að Hamas séu ekkert nema fórnarlömb í þessari deilu?

Eitt er víst að það er greinilegt að Hamas vilja ekki frið, því þeir hagnast lítið á honum.  Þegar nýjar friðarviðræður áttu að hefjast hafa þeir nú reynt að stefna þeim í voða, enda er stuðningur þeirra komin út á andóf við Ísraelsmenn, en ef friður næðist yrði mun erfiðara fyrir Hamas að vaða uppi.  Þar sannast að annað hvort eru þeir geðveikir á hæsta mælikvarða og trúa því staðfast að Ísralelsmenn séu djöfullinn holdi klæddur og það megi ekki reyna að semja við þá(sem er ólíklegt, því ef Ísrael væri djöfullinn holdi klæddur myndi hann ekki láta hryðjuverk stöðva sig) Eða einfaldari og líklegri skýringin, Hamas hafa ekki hagsmuni Palestínumanna að leiðarljósi, heldur eingöngu sína eigin hagsmuni.  Þeir vilja vera við völd og þá þurfa þeir styrjöld. 

Það er leiðinlegt að sjá Ísraelsmenn halda í hafnarbann sitt þegar það sést að einu sem græða á því eru Hamas, þeir eiga neðanjarðargöngin sem notuð eru til að smygla varning, þeir græða stuðning, fé og eflaust vopn í gegnum þessi göng.  Það sést bara á atburðinum í dag, Hamas eru ekki vanir að athafna sig á vesturbakkanum, heldur á Gazaströndinni því að hin umburðarlyndari Fatah hreyfing ræður ríkjum á vesturbakkanum.  Það yrði nú bara stórslys ef Hamas hrifsaði einnig til sín völdin þar. 

Fjórir myrtir á Vesturbakkanum

Sovésk réttarhöld í Íran?

Já það læðist að mér sá grunur að frúin þarna hafi verið pyntuð til að knýja fram þessa játningu.  Þetta minnir óneitanlega á aftökur Stalíns þegar menn viðurkenndu fúslesa að hafa svikið þjóðina, stutt kapítalismann og báðu vinsamlegast um að vera drepnir svo auðmjúklega, bón sem Stalín uppfyllti glaður enda mannvinur góður.

Játningu sjónvarpað í Íran

Hafnarbannið mistök.

Já eftir nánari rannsóknir á Gaza í kjölfar árásarinnar eru margir á því málið að hafnarbann Ísraela á Gaza séu mistök.  Svo virðist nefnilega sem Hamas liðar græði einfaldlega á því, bæði stuðning, sem og eru þeir nánast með einkaleyfi á að smygla vörum í gegnum neðanjarðargöng frá Egyptalandi.  Það gefur þeim fjármagn.  Það segir okkur auðvitað að allra best væri að stöðva hafnarbannið umsvifalaust, en í hverju myndi það skila sér?

Hamas væri en við völd, hefðu greiðari aðgang að vopnum til að drepa pólitíska andstæðinga sína á Gaza og gætu jafnvel fiskað inn stuðning með því að segjast hafa sigrað Ísraela og þeirra illa hafnarbann.  Seinna gætu Hamas jafnvel framið hryðjuverkarárásir í Ísrael.  Aumingja Ísraelsmenn hafa komið sér í leiðinlega stöðu með þessu. 

Annars vegar virðast Tyrkir vera að sækja sig í veðrið í von um að verða eitthver forystuþjóð Múslima þarna við botn miðjarðarhafs, sem Egyptar hafa sinnt lengi og vel.  Eini gallinn er sá að Tyrkir eru ekki marktækir í þessu máli af nokkrum ástæðum. 

Gyðingahatur er mikið í Tyrklandi, Tyrkir eru sjálfir sekir um mannréttindabrot og hreinsanir á Kúrdum(Í dag er t.d. bannað fyrir Kúrda að gefa börnum sínum Kúrdísk nöfn, bara Tyrknesk) svo ekki sé minnst á ólöglega hersetu Tyrkja á Kýpur, þar sem þeir ráku kristna Kýpverja af heimilum sínum og skiptu landinu í tvennt, múlimska austrið og kristna vestrið.  Svo hafa verið fluttir inn til Kýpurs margir Tyrkir.  Þetta er mjög svipað Ísrael og Palestínsku heimastjórnarsvæðunum, eini munurinn að öllum er skítsama um Kúrda því enginn hefur haft fyrir því að búa til samsæriskenningar um Tyrki(Jafnvel þótt þeir hafi verið nálægt því að leggja undir sig stóran hluta Evrópu á sínum tíma)

En að hafnarbanninu, Ísraelar eru að slaka á því sem er góðs viti, hins vegar er erfitt að leggja það af á næstunni af ástæðum sem ég útskýrði fyrr.  Annars vegar eru lúxusvörur að komast inn til Gaza, en þær fara hins vegar allar í gegnum göng sem Hamas liðar oftast eiga, eða rukka þá eigandan um skatt. Eins og sjá má þá er engin auðveld lausn í sjónmáli, það finnst mér hins vegar merkilegt að margir Íslendingar telji sig geta leyst margra áratuga deilu á örfáum mínútum ef gyðingarnir væru ekki bara svona vondir.  Málið er auðvitað margfallt flóknara en það, og ég fyrirgef reyndar Ísraelsmönnum fyrir meðferðina á skipverjum en þeir sem eru vel að sér ættu jú að sjá að erfitt er að treysta Tyrkjum, sem og viðbrögð öfgasinnaðri skipverja voru óneitanlega hörð.

Það er þó víst að deilan leysist ekki á næstunni, þótt ég efa ekki að margir sambloggara minna þykjast geta miðlað málum á örfáum mínútum með töfralausnum eins og ,,drepum helvítis júðanna'' og ,,Ísraelsmenn eiga að drulla sér í burtu'' þá verður sú lausn ekki tekin til greina og erfitt er að framfylgja.  Það þarf hlutlausar og sanngjarnar lausnir þarna. Afnám hafnarbannsins sem og fráfall Hamas frá völdum eru skilyrði, áður en nokkuð verður hægt að gera.  Vonandi gerist það á næstunni, en mig grunar að Hamas eigi ekki eftir að yfirgefa valdastólin án baráttu.

Netanyahu: Árásin á skipalestina var lögleg

Ekkert óvænt hér

Nasismi og Rasismi eru ekkert sérhlutir sem eingöngu hvítingar geta tileinkað sér.  Ef maður skoðar hryðjuverkamenn mið-austurlanda má auðvitað örla á miklum rasisma þar, nema þeir kalla óæðri þar villutrúarmenn, ekki ,,Untermensch'' 

Maður þarf nú ekki að spyrja sig hvers vegna svona hópur hefur skotið upp kollinum þarna í Mongólíu, enda úr nægri sögu þarna að moða til að geta talið sig æðri.  Þar ber auðvitað að nefna Gengis Khan, Subotai og aðra eins kappa(að vísu bölvaðir villimenn og fjöldamorðingjar og væru stríðsglæpamenn, en slík var tíðin þá og stórefa ég að evrópsku konungsríkin hefðu farið öðruvísi að eða austurlensku keisaraveldin.)  Það má eflaust þakka Mongólum fyrir hve þróuð Evrópa varð en ekki Mið-Austurlönd og Austur-Asía enda þutu þar Mongólar um drepandi hverja sem fyrir voru.  Þess ber að nefna þegar þeir réðust á Baghdad og jöfnuðu borgina við jörðu, og fylltu upp í áveitukerfi Íraks og hefur fólkið þar en ekki náð sér fyllilega. Eina sem kom í veg fyrir að örlög Evrópu urðu þau sömu var hjartaáfall stórkhanins, því siðir og venjur Mongóla voru sú að allir þurftu að fara að kjósa nýjan stórkhan, sem var auðvitað bara formsatriði því að sonur stórkhansins tæki auðvitað við, og sluppu Vestur-Evrópu menn þar fyrir horn.

Að auki er vel skiljanlegt að menn séu tortryggnir í garð Kínverja.  Kínverjar eru eins og flestir vita á góðri leið með að verða næsti drullusokkurinn sem allir munu hata(þeir munu taka við af Bush stjórninni) og reikna maður sterklega með að þar sem hreðjatak Kínverja á Bandaríkjamönnum þéttist stöðugt að það verður orðið ansi þröngt um Kanann innan 20 ára og munu þá Kínverjar eflaust ráðast inn í eitthver ríki til að tryggja ,,Frelsi'' og ,,Sjálfstæði'' eins og þeir reyndu með Víetnam þegar Víetnamar réðust inn í Kambódíu til að steypa rauðu Khmerunum af stóli.

Auðvitað telst þetta þó nokkuð kaldhæðnislegt, þar sem Mongólar börðust með Sovétmönnum í heimstyrjöldinni gegn nasismanum, og hefðu eflaust verið flokkaðir sem ,,Untermensch''

Eftir því sem ég athugaði þó virðast þessar hreyfingar vera jaðarhreyfingar án mikils stuðnings, svo vandamálið er takmarkað.

Vilja hreint þjóðarblóð Mongóla

Fötlun mannkynsins

Ef manni er sagt eitthvað nógu oft, trúir maður því.  Nútímamaðurinn hefur alist upp með sjónvarpsefni í stað sagna og bóka, og er boðskapurinn í sjónvarpsefnum oftast ólíkur því sem raunverulega gerist í heiminum. 

Teiknimyndir sem menn sjá sem börn stimpla oft fasta siðferðisvitund í mönnum sem festist í þeim til lengri tíma.  Svo seinna er það fréttaflutningurinn.  Í vestrænum löndum hefur þetta kerfi barið inn í marga að hvalir séu bráðgreind dýr og allir í útrýmingarhættu, þótt að veiðar Íslendinga séu jú sjálfbærar(hef ekki kynnt mér veiðar Japani og Norðmanna, en grunar að þær séu það líka) og stendur þá ekkert í veg fyrir hvalveiðum annað en sú geðveiki manna að persónugera dýr.  Það er auðvitað komið úr teiknimyndum og gróusögum.  Það skilar sér í öfgasamtökum á borð við sea shepherd og þessum geðsjúklingum (sjá http://www.youtube.com/watch?v=kmu_tDCOY2Y)

Annars hefur maðurinn alltaf átt í hálfgeðveikislegum samskiptum við hvali (Jónas í hvalnum, þar sem hvalur á beinan/óbeinan þátt í að breiða út biblíuboðskapin) og má líkja þessum hugsunarhætti og persónugeringu við geðveikina sem kraumar inn í froðufellandi hestariðlum sem standa fastir á því að þetta sé með vilja hryssanna gert, að þær gefi þeim boð og að athæfi þeirra sé ástarlíf, ekki bara viðbjóðurinn sem þetta er.  Kæmi mér ekkert á óvart að þessir öfgahvalverndurnarsinnar stunduðu sama viðbjóðin ef það væri bara ekki svo erfitt að komast að hvölunum. 

Að lokum ber að nefna ættleiðinga hvala. Það er ég ekki alveg viss um.  Hvalurinn er nógu mikill maður til að vera hluti af fjölskyldunni(og fólk fær sendar myndir af honum, eða bara eitthverjum hval, þeir eru jú allir eins) en hann er ekki nógu mikill maður til að vera spurður fyrst hvort hann vilji láta ættleiða sig?

Skilorðsbundið fangelsi fyrir árás á hvalveiðimenn