Skella því á Gufuskála

Það ætla ég að vona að menn sjái sóma sinn í að nota þessi galtómu hús undir fangelsi, björgunarsveitin verður bara að æfa sig annarstaðar. 

Það er stutt í næsta bæ, ekki nema 2 kílómetrar, svo ef fangi sleppur þarf ekki að leita að honum lengi.  Í hina áttina er hins vegar ekki neitt og ef fanginn flýr þangað þarf ekki að leita að honum, vara þarf fólk hins vegar við að taka upp puttaferðalanga.  Hann dettur svo bara vonandi í einhverja gjótuna, eða reynir að synda til grænlands, og er þá orðinn þeirra vandamál. 

Það er þegar búið að gyrða hluta svæðisins af, og ekki þarf að byggja nýjar byggingar, svo þetta verður ekki of dýrt. 

Hins vegar þarf að sparka 2-3 fjölskyldum sem búa þarna burt, og flytja þau bara út á Hellisand. 

Með aukinni atvinnu í Snæfellsbæ verður vonandi hægt að opna bar, sem ekki fer á hausinn þó ekki sé nema í 5 ár.  Alveg fáránlegt að geta ekki sest niður og fengið sér bjór án þess að hafa hlaupið útí Ólafsvík á föstudagin. 

Kostir við fangelsi á gufuskálum:
Fangar ættu erfitt með að leynast í nærliggjandi bæjarfélögum: Þar sem allir þekkja alla, og vita allt um alla.  Ef skyndilega kæmi upp einhver ókunnugur sem enginn þekkir að gramsa í bænum okkar væri hægt að ýta á þartilgerðan takka sem væri staðsettur í miðju bæjarins.  Ef við sjáum einhvern skuggalegan mann hangsa í kringum takkan neyðumst við til að hringja. 

Eyðibýli úti á nesinu eru fá og aðgengileg: Skyldi fangi sleppa þarf að skoða reglulega eyðibílin, án bíls(annars flýr fanginn útí móa þegar bíllinn nálgast) skyldi fanginn ekki leita skjóls þar er hann líklega dauður. 

Flestir fangar reyna ekki alltaf að sleppa: Það er nú ekki meira enn það.

Kvíabryggja er ekki of langt frá: Þegar sagt er við fanganna á kvíabryggju að ef þeir hagi sér ekki verði þeir komnir útá Gufuskála fyrir hádegi, þá er það rétt. 

Girðing er þegar á milli Hellisands og Gufuskála: Já, það er þegar búið að girða þetta af, ef fanginn nennir ekki að fara yfir rolluhliðið, sleppur bærinn alveg.  Við gætum hins vegar gert rolluhliðið ótrúlega sleypt og þá gæti strokufangi dottið ofan í það.  Það ætti að tefja hann um 10 sekúndur.  Barnið mun þakka þér fyrir þessar 10 sekúndur sem það var útí að leika sér enn ekki í höndum kynferðisafbrotamanns.

Ókostir

Hellar á svæðinu: Hellar eru á svæðinu í dagsgöngulengd eða svo, og líka gjótur.  Skyldu fangarnir taka uppá að leynast í þeim yrði vandamál að finna þá.  Lausn gæti hins vegar verið að setja samlokur á vegina, og sjá hvar samlokurnar vantar næsta dag, og leita í kringum þær, eða bara að vakta samlokurnar. 

Börn í nágrenni: Aðeins 2 kílómetrar myndu aðskilja börnin og fangelsið, og eins oft og börnum hefur verið sagt að tala ekki við ókunnuga, eru börn eftir allt saman börn.  Börn=heimsk og aum og eru því samt sem áður í hættu, þau ráða ekki við fanganna, og eru alltént vitlausari.  Góð lausn væri að neyta að leyfa barninu að fara út, lokaðu það inní herbergi, og gráttu í gegnum hurðina að þú gerir það til að vernda barnið.  Barnið ærist að lokum og þá máttu opna hurðina, og fleygja inn sérþarfalegri pítsusneið með engu nema osti og lítið af sósu. 

Engin hættuleg dýr á svæðinu: Eina sem væri betra enn fangelsi á gufuskálum, væri fangelsi umkringt sýki með krókudílum.  Skyldi fangi sleppa, væri hann eingöngu uppá veðrið komið, og það er ekki alltaf nógu slæmt.  Ef stór villt dýr væri að finna á svæðinu gætu þau nefnilega losað okkur við ómakið.  Engin skyndilausn er á þessum vanda, við vonum bara að einhverjum vísindamanni takist að gera minkina og refina á stærð við birni og þá er þetta komið. 

Skora á stjórnvöld að byggja nýtt fangelsi